Nata in u 1967, Agnès Accorsi campa è travaglia in Corsica. E realizazione di l’artista, chì adopra tecniche varie (video, pitture è altre), avvianu u spettatore ver’di universi à tempu incantevuli è arcani chì ci si intreccianu emuzione liate à a zitellina è à a feminità. Di fatti, ripruduce Agnès Accorsi è arritrosa a fiura idealizata di a donna, simile à quella sparta di solitu, da cunduce ci in un ghjocu periculosu di seduzzione. E so opere, dapoi u parcorsu di u sguardu in Oletta in u 1993, venenu prisentate in mostre parechje, persunale è cullettive, inde stituzione culturale sfarente. Li cunsacreghja u FRAC di Corsica in u 2014 una mostra munugrafica chjamata « Corps et Décors ». Quistu annu, hè prisentatu dinù u so travagliu inde l’Arsanale di u Museu di Bastia, in u quadru di a mostra « Les îles du Milieu » finu à u 25 di settembre di u 2021.